E Aalass hämer immer jedes FCB oder Schwizer Fuessballländerspiel wird bi uns mit Ton uff drey Färnseh überdreit, wenn das Spiel e weneli friener afot alls unseri Effnigszyte wäre, machemer eifach friener uff. Championsleague, Euroleague und anderi wichtigi Fuessball Spiel (Teleclub und öffendlichs Fährnseh) flimmere nadirlig au über unseri Bildschirm und da mer jo drey derfo händ, kennemer au verschideni Spiel glichzitig zeige. Au Yyshockey, Tennis oder anderi Sportarte-frind mind nit Agscht ha, mir kenne nit numme Fuessball, au die wärde bi uns zeigt. Nit numme Sport isch bi uns im Vordergrund, am Wuchenänd got bi uns teils rächt Boscht ab wenn ab und zue unser DJ wider emol die genialschte Songs ussgrabt, denn eins isch sicher Pop, Rock und Oldis zien immer und bewege nit numme s’Barpersonal zum dänzle.
