Azərbaycanda hələ 1997-ci ildən bu sektorda çalışan Təhməzov qardaşları ərzaq təhlükəsizliyinin təmin edilməsi sahəsində tədbirlərin sistemli və kompleks şəkildə həyata keçirilməsi məqsədi ilə Azərbaycan Respublikası Prezidentinin 2008-ci il 25 avqust tarixli, 3004 nömrəli Sərəncamı ilə "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı"nın təsdiq edilməsindən sonra bu sahədə dövlətin dəstəyini görərək, "QOÇ ƏT" kəndli-fermer təsərrüfatı adı ilə rəsmi olaraq fəaliyyətinə başladı. "QOÇ ƏT" ötən illər ərzində "Halallığın bərəkəti" devizinə sadiq qalaraq, alıcılarının böyük rəğbətini qazanıb. Adı orqanik məhsullar istehsal edən və satan şirkətlər arasında çəkilən "QOÇ ƏT" bu gün bazara milli mətbəximizdə istifadə olunan 20 adda ekoloji cəhətdən təmiz məhsul çıxarır: dana və quzu əti, kənd toyuğu, hinduşka, ördək, qaz, dana ətindən hazırlanan kənar qatqılarsız halal kolbasalar, təmiz bal, kənd yumurtası, süd məhsulları - nehrə yağı, camış qatığı, inək qatığı, motal pendiri, ayran, qurut və s.
